星二代丨林愷鈴推出首支個人唱作單曲 P1X3L成員George參演《現在》MV
撰文： TOPick柴犬出動
發布時間： 2024/04/20 18:03
最後更新： 2024/04/21 22:02
▲ 靚女星二代林愷鈴推出首支個人唱作單曲《現在》。
龔慈恩女兒、靚女星二代林愷鈴（Ashley）首支個人唱作單曲《現在》正式推出。該歌曲由林愷鈴、Enoch Cheng作曲，小克填詞，林愷鈴、Enoch Cheng、Justin Yau編曲，林愷鈴、Enoch Cheng監製，以空靈的歌聲去感動聽眾好好擁抱現在。
Ashley入行後一直以模特兒和演員身份雙線發展，今年正式出道成為歌手。自小學習音樂的她表示終於能達成夢想：「做model同演戲係日久生情嘅熱愛，對音樂就係一見鍾情，係我生命裏面不可缺少嘅養份。音樂令我成為一個更加有溫度、有感情嘅人。而且音樂本身也是故事，我好幸運可以用音樂講故事畀大家『睇』」。
【星二代】龔慈恩幫手砌畢業作品 林愷鈴港大建築系畢業：讀到得番半條人命
林愷鈴凡事預先規劃
談到創作概念，Ashley坦言《現在》是一個對自己的提醒：「我寫呢首歌嘅原因，係想提醒自己要把握現在，活在當下去感受生命每一個美好嘅瞬間。」
因為她習慣凡事都預先規劃及訂下目標：「不過，我發現咗人生某一啲嘢，例如愛情，冇得plan到萬無一失嘅，佢可能會令你焦慮不安……就喺某一晚我突然間有靈感，其實愛情不用擔心和貪心，點解明明喺now，就急住想要擁有forever呢，如果我識得擁抱現在嘅每一刻，某程度上嗰啲moment就喺腦裏面成為永遠，繼續滋養住你嘅人生，就算段愛情無開花結果都好，擁有過嘅快樂同溫暖都可以sustain到永永遠遠。」
P1X3L成員George參演MV
《現在》MV在歌曲推出當日首播，MV邀請了ViuTV劇集《二月廿九》導演羅嘉駿（Steve）執導，呈現介乎真實與奇幻的愛情感覺。Ashley希望透過歌曲及MV表達一個既安靜又自由的二人世界：「係一個運轉得好快嘅世界，如果可以撳一個掣令時間凝固，剩低呼吸聲同心跳聲，喺呢一個空間裏面，可以同我愛嘅人好自由、好大膽咁樣相愛。」
MV請來P1X3L成員歐鎮灝（George）擔任MV男主角，Ashley盛讚對方是位好演員，能夠為MV帶來有血有肉的真實愛情感覺：「好開心佢肯同我哋玩呢個project！」
以前，Ashley都是別人MV的女主角，現在終於有自己的MV，她直指感覺既興奮又有壓力：「之前以一個演員嘅身份參與別人嘅MV，會少啲對故事及畫面嘅考慮，反而拍自己MV時就壓力大咗，成件事好似開始寫一本小說，創造咗第一個角色，但呢個角色有好大部分都係自己嘅感受，首歌又係自己寫，成件事好似呈現緊最深層嘅自己畀大家咁。」
最靚學霸星二代
眾所用知現年24歲的Ashley靚女外更是名學霸，她分別就讀聖保羅男女中學附屬小學及聖保羅男女中學，在2018年在國際文憑大學預科課程（IB）裡獲得41分（滿分為45分）和考上香港大學，並入讀第一志願「建築系」學士課程，在2022年畢業。
在讀中學時，Ashley已當模特兒，當時已被封「最靚星二代」，外間更不時把她與另一靚女星二代沈月作比較。在2017年，她參演電影處女作《熱血合唱團》成為演員，隨後邊讀書邊參演影視劇。
此外，Ashley兩歲開始學不同樂器，包括鋼琴、小提琴、中提琴、長笛、非洲鼓等多種樂器，又接觸朗誦、繪畫、圍棋、游泳、劍擊、騎馬等不同課外活動，在於8歲時已考獲六級鋼琴兼八級聲樂資格，可說有內在美又有外在美。
最新影片推介：吳家樂專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
